आ.व.२०७४/७५ को योजना प्रगतिको समिक्षा एवं २०७५/७६ को लागि नौकुण्ड गाउँपालिकाको नीति तथा कार्यक्रम |

नौकुण्ड गाउँपालिकाका प्रमुख श्री नुर्वु स्याङबोज्यूको अध्यक्षतामा,  कार्यपालिकाका प्रमुख प्रशासकीय अधिकृत हरिहर कार्की, वडा अध्यक्षहरु,कार्यपालिकाका सदस्यहरु, विभिन्न राजनैतिक दलकाप्रतिनिधि,कर्मचारी,शिक्षक,विद्यार्थी,सरोकारवालाहरु,पत्रकार,सरकारी एव. गैर सरकारी संस्थाका प्रतिनिधि र नौकुण्ड गाउँपालिकाका जनताहरुको उपस्तिथिमा नौकुण्ड गाउँपालिकाका उप-प्रमुख सिर्जना लामाज्यूद्वारा आर्थिक वर्ष २०७४/०७५ को योजना प्रगतिको समिक्षा एवं २०७५/७६ को वजेट नीति तथा कार्यक्रमको सार्वजनिकरण प्रस्तुत भएको थियो |

       उक्त कार्यक्रममा नौकुण्ड गाउँपालिकाका सबै वडा अध्यक्षहरुले आ-आफ्नो मन्तव्य राख्नु भएको थियो | कार्यक्रममा मनोरंजन प्रदान गर्न विभिन्न विद्यालयका विद्यार्थीहरुले नृत्य र नाटक पनि प्रस्तुत गरेका थिए |नौकुण्ड गाउँपालिककलाई रसुवा जिल्लाको नमुना गाउँपालिका बनाउने र विकासको हरेक क्षेत्रलाई उच्च महत्वका साथ् अघि बढाइ नौकुण्ड गाउँपालिकालाई सम्वृद्धि र विकासको शिखरमा पुर्याउनको निम्ति आफु लगायत आफ्नो टिम सदैव अघि लागि परेको र यसका लागि जनसमुदाय,सरोकारवाला,कर्मचारी,जन प्रतिनिधि,सरकारी तथा गैर सरकारी संस्थालाई आवश्यक सहयोग पुर्याइदिनु हुन आग्रह गर्दै कार्यक्रमको समापनको घोसणा गर्नु भएको थियो |